ANTIOPA vel ANTIOPE

ANTIOPA, vel ANTIOPE

Nyctei filia, et uxor Lyci Regis Thebarum, et Aegyptiorum. Hanc Iuppiter in Satyrum mutatus compressit, quod cum Lycus comperisset, eâ repudiatâ, Dircen superinduxit, a qua in carcerem coniecta est: Verum cum partus advenisset, ruptis vinculis aufugit in Ciraeronem, ibique Zethim et Amphionem peperit, et exposuit; sed a pastoribus, reperti, ab iisdem educati sunt, qui postea adulti, matris iniuriam ulciscentes, Lycum cum uxore Dirce interfecerunt. Propert. l. 1. Eleg. 4. v. 5.

Tu Licet Antiopae formam Nycteidos, et tu

Spartanâ referas laudibus Hermionem.

Idem l. 3. Eleg. 14. v. 26.

Invocet Antiope quem nisi, vincta, Iovem?

Ovid. Met. l. 6. v. 111.

Addidit ut Satyri caelatus imagine pulchrâ

Iuppiter implerit gemeino Nycteida fetu.

Nonnus Dionys. l. 7. ubi de Iovis amoribus, quos duodecim receset:

Ἕβδομος Α᾿ντιόπην Σατύρῳ δολόεντι συνάπτει.

Idem l. 16.

Α᾿ντιόπης ἐδάης φιλοπαίγμονκ θεσμὸν ἐρώτων,

Καὶ Σάτυρον γελόωντα νόθον μιμηλον ἄκοιτιν.

Item Pacuvii Tragaedia sic dicta. Persius Sat. 1. v. 77.

Sunt quos pacuviusque et verrucosa moratur

Antiope, aerumnis cor luctificabile sulta.

Nic. Lloydius.